| നയപ്രഖ്യാപന വിവാദം: സര്ക്കാരിന് ഗവര്ണര് വീണ്ടും കത്ത് നല്കും |
|
ഇതിനിടയില് ചേര്ന്ന നാലു മന്ത്രിസഭാ യോഗങ്ങളിലും ഇക്കാര്യത്തില് ചര്ച്ചകള് നടക്കുകയോ ഗവര്ണര്ക്ക് ഔദ്യോഗികമായി വിശദീകരണം നല്കുകയോ ചെയ്തില്ല. വീണ്ടും ഗവര്ണര് ആര്.എസ്.ഗവായ് സര്ക്കാരിനു കത്തയക്കുന്നതോടെ വിഷയം കൂടുതല് സങ്കീര്ണമാകും. ഭരണഘടനാ പ്രശ്നമായതിനാല് സര്ക്കാര് ഇതുവരെ നിയമോപദേശം തേടുകയായിരുന്നു. എന്നാല് ഒരുമാസത്തോളമായിട്ടും വിശദീകരണം നല്കാത്തതില് രാജ്ഭവന് കടുത്ത അതൃപ്തിയാണ് പ്രകടിപ്പിക്കുന്നത്. ഇക്കാര്യത്തില് ഇനിയും കാത്തിരിക്കുന്നില്ലെന്നും ഒരിക്കല് കൂടി വിശദീകരണം ആവശ്യപ്പെട്ടു കത്തയക്കാനുമാണ് തീരുമാനമെന്നാണ് രാജ്ഭവന് വൃത്തങ്ങള് നല്കുന്ന സൂചന.
ഇതിനിടെ ഇക്കാര്യത്തില് സി.പി.എം മുഖ്യമന്ത്രിയെ ഒറ്റപ്പെടുത്തുക കൂടി ചെയ്തതോടെ മുഖ്യമന്ത്രിയെന്ന നിലയില് വീഴ്ചപറ്റിയതില് വി.എസ് ഖേദം പ്രകടിപ്പിക്കുമെന്ന സൂചന ലഭിച്ചിരുന്നു. എന്നാല് അഡ്വക്കേറ്റ് ജനറല് സി.പി. സുധാകരപ്രസാദ് ഉള്പ്പെടെയുള്ളവര് മുഖ്യമന്ത്രിയെ കൈവെടിഞ്ഞതോടെ വിശദീകരണം സംബന്ധിച്ച് സര്ക്കാര് തീരുമാനം വൈകുകയായിരുന്നു.
|
തിരുവനന്തപുരം: മന്ത്രിസഭാ യോഗം പൂര്ണമായി അംഗീകരിക്കാത്ത നയപ്രഖ്യാപന പ്രസംഗത്തെ സംബന്ധിച്ച് വിശദീകരണം നല്കാത്ത സാഹചര്യത്തില് ഇന്നോ നാളെയോ ഗവര്ണര് വീണ്ടും മുഖ്യമന്ത്രിക്ക് കത്തു നല്കും. ഗവര്ണര് വിശദീകരണം ആവശ്യപ്പെട്ടു സര്ക്കാരിനു കത്തു നല്കിയിട്ട് ഇന്ന് 28 ദിവസമാകുന്നു. | < മുന് പേജ് | അടുത്തത് > |
|---|
-°C 