| പുഴയില് കുളിക്കാനിറങ്ങിയ മൂന്ന് കുട്ടികള് മുങ്ങി മരിച്ചു |
|
ശ്രികണ്ഠാപുരം: പുഴയില് കുളിക്കാനിറങ്ങിയ സഹോദരങ്ങള് ഉള്പ്പെടെ മൂന്നു കുട്ടികള് മുങ്ങി മരിച്ചു. കെ എസ് എഫ് ഇ ജീവനക്കാരനായ ശ്രീകണ്ഠാപുരം പാറത്താഴത്ത് ജോര്ജ്ജ്-മിനി ദമ്പതികളുടെ മക്കളായ ഐശ്വര്യ(14), ആകാശ്(12), ജോര്ജിന്റെ സഹോദരി എരുവശി വലിയ പറമ്പിലെ ഐക്കരക്കാനായില് മേരിക്കുട്ടി-സണ്ണി ദമ്പതികളുടെ മകള് അനഘ(12) എന്നിവരാണ് മരിച്ചത്. ഇവരോടൊപ്പം പുഴയിലിറങ്ങിയ മിനി, ജോര്ജിന്റെ മറ്റൊരു മകന് അശ്വിന് എന്നിവരെ നാട്ടുകാര് രക്ഷപ്പെടുത്തി.
ഐശ്വര്യ ശ്രികണ്ഠാപുരം ഗവണ്മെന്റ് ഹയര് സെക്കന്ഡറി സ്കൂളിലെ ഒന്പതാം ക്ലാസ്സ് വിദ്യാര്ത്ഥിനിയാണ്. അനഘ പൂപ്പറമ്പ് ഫുസ്കോ ഇംഗ്ലീഷ് മീഡിയം സ്കൂളിലെ ആറാം ക്ലാസ് വിദ്യാര്ത്ഥിനിയാണ്. മൃതദേഹങ്ങള് ശ്രികണ്ഠാപുരം നിവില് ആശുപത്രിയില് ഇന്ക്വസ്റ്റ് നടത്തി പരിയാരം മെഡിക്കല് കോളേജില് പോസ്റ്റ്മോര്ട്ടത്തിനയച്ചു. കണ്ണൂര് ജില്ലാ പോലീസ് സൂപ്രണ്ട് കെ പി ഫിലിപ്പ്, വിവിധ രാഷ്ട്രീയ സംഘടനാ നേതാക്കള് തുടങ്ങിയവര് സംഭവസ്ഥലം സന്ദര്ശിച്ചു.
|
| < മുന് പേജ് | അടുത്തത് > |
|---|
-°C 