കോഴിക്കോട്‌: ലോക വനിതാദിനത്തോടനുബന്ധിച്ച്‌ മാതൃഭൂമി ഓണ്‍ലൈനിന്റെ മിനി പോര്‍ട്ടല്‍ നടത്തിയ വോട്ടെടുപ്പില്‍ കഴിഞ്ഞ ദശകത്തിലെ വനിതയായി വായനക്കാര്‍ സോണിയാ ഗാന്ധിയെ തിരഞ്ഞെ ടുത്തു. 52 ശതമാനം വോട്ട്‌ നേടിയാണ്‌ സോണിയ മുന്നിലെത്തിയത്‌.

13 ശതമാനം വോട്ട്‌ നേടി പ്ലാച്ചിമട സമരനായിക മയിലമ്മ രണ്ടാമതെ ത്തിയപ്പോള്‍ 9 ശതമാനം വോട്ട്‌ നേടി ബഹിരാകാശത്ത്‌ ആദ്യമാ യെ ത്തിയ ഇന്ത്യക്കാരി സുനിതാ വില്യംസ്‌ മൂന്നാമതെത്തി.
മണിപ്പൂരില്‍ പത്ത്‌ വര്‍ഷമായി നിരാഹാരം തുടരുന്ന ഇറോം ശര്‍മിള 8.5 ശതമാനം വോട്ടും രാഷ്ട്രപതി പ്രതിഭാ പാട്ടീല്‍ 6 ശതമാനം വോട്ടും നേടി. ബാഡ്മിന്റണ്‍ താരം സൈന നേവാളിന്‌ 4 ശതമാനവും ബോളിവുഡ്‌ താരം ഐശ്വര്യ റായിയ്ക്ക്‌ മൂന്ന്‌ ശതമാനം വോട്ടും മാത്രമാണ്‌ നേടാനായത്‌. ടെന്നീസ്‌ താരം സാനിയ മിര്‍സയ്ക്ക്‌ രണ്ട്‌ ശതമാനവും ലോങ്ങ്‌ ജമ്പ്‌ താരം അഞ്ജു ബോബി ജോര്‍ജ്‌ 1.5 ശതമാനവും മായാവതി, മീരാകുമാര്‍ എന്നിവര്‍ക്ക്‌ അര ശതമാനം വോട്ടുമാണ്‌ ലഭിച്ചത്‌.