മുംബൈ: മുംബൈ ഓഹരി സൂചിക 17,000 പോയിന്റ്‌ മറികടന്നു. 2008 മേയ്‌ 23 നു ശേഷം ഇതാദ്യമായാണ്‌ സൂചിക 17,000 പോയിന്റ്‌ മറികടക്കുന്നത്‌.

ഓയില്‍ ഇന്ത്യയുടെ ലിസ്റ്റിങ്ങുമായാണ്‌ ഇന്നു വിപണിയില്‍ വ്യാപാരം ആരംഭിച്ചത്‌. രാവിലെ നേരിയ മുന്നേറ്റവുമായി ആരംഭിച്ച വിപണി പതിനൊന്നു മണിയോടെ 173 പോയിന്റ്‌ വര്‍ധനയുമായി 17,026 പോയിന്റിലെത്തി. വിപണിയിലെ പണലഭ്യതയാണ്‌ സൂചികയിലെ മുന്നേറ്റത്തിനു പ്രധാന കാരണമെന്ന്‌ വിദഗ്ധര്‍ ചൂണ്ടിക്കാണിയ്ക്കുന്നു. വിദേശ മാര്‍ക്കറ്റുകളില്‍ നിന്ന്‌ ഇന്ത്യന്‍ ഓഹരി വിപണിയിലേയ്ക്ക്‌ നിക്ഷേപം തുടരുകയാണ്‌. ഏഷ്യന്‍ വിപണികളെല്ലാം തന്നെ മുന്നേറ്റത്തിന്റെ പാതയിലാണ്‌. വിപണിയിലെ മുന്നേറ്റം തുടരുമെന്നാണ്‌ വിലയിരുത്തലുകള്‍.