| കൊച്ചിന് ഹനീഫ വിടപറഞ്ഞു |
|
അഞ്ചുമണിക്ക് എറണാകുളം സെന്ട്രല് ജുമാമസ്ജിദ് ഖബര്സ്ഥാനില് കബറടക്കും. കരള് സംബന്ധമായ അസുഖത്തെത്തുടര്ന്ന് മൂന്ന് മാസമായി ചികിത്സയിലായിരുന്നു. രോഗം മൂര്ഛിച്ചതിനെതുടര്ന്ന് ഇന്നലെ തീവ്രപരിചരണ വിഭാഗത്തില് പ്രവേശിപ്പിക്കുകയായിരുന്നു. മലയാളത്തില് ഹാസ്യത്തിന് സ്വന്തമായ ശൈലി രൂപപ്പെടുത്തിയ നടനായ ഹനീഫ മലയാളം, തമിഴ്, ഹിന്ദി, തെലുങ്ക് ഉള്പ്പെടെ മുന്നൂറോളം ചിത്രങ്ങളില് അഭിനയിച്ചു. സിദ്ധിഖ് സംവിധാനം ചെയ്ത ബോഡി ഗാര്ഡാണ് അവസാനമായി പുറത്തുവന്ന സിനിമ.
മമ്മൂട്ടിയെ നായകനാക്കി സംവിധാനം ചെയ്ത വാല്സല്യം ഒരു സംവിധായകനെന്ന നിലയില് ഹനീഫയെ ശ്രദ്ധേയനാക്കിയ ചിത്രമായിരുന്നു. ഭീഷ്മാചാര്യ, വീണമീട്ടിയ വിലങ്ങുകള്, ആണ്കിളിയുടെ താരാട്ട്, ഒരു സിന്ദൂരപ്പൊട്ടിന്റെ ഓര്മ്മയ്ക്ക് , മൂന്ന് മാസങ്ങള്ക്ക് മുമ്പ്് എന്നീ ചിത്രങ്ങളാണ് ഹനീഫ സംവിധാനം ചെയ്ത മലയാള സിനിമകള്. എല്ലാ ചിത്രങ്ങളും നല്ല ചിത്രങ്ങളുടെ പട്ടികയില് ഇടം നേടിയവയായിരുന്നു. |
കൊച്ചി: സംവിധായകനും നടനും തിരക്കഥാകൃത്തുമായ കൊച്ചിന് ഹനീഫ (58) അന്തരിച്ചു. ഇന്നലെ വൈകുന്നേരം 4.25-ന് ചെന്നൈയിലെ രാമചന്ദ്ര മെഡിക്കല് കോളജ് ആസ്പത്രിയിലായിരുന്നു അന്ത്യം. മൃതദേഹം വിമാനമാര്ഗ്ഗം ഇന്ന് കൊച്ചിയില് കൊണ്ടുവരും. ഉച്ചകഴിഞ്ഞ് രണ്ടുമുതല് നാലുവരെ അംബേദ്കര് സ്റ്റേഡിയത്തില് പൊതുദര്ശനത്തിന് വെയ്ക്കും. | < മുന് പേജ് | അടുത്തത് > |
|---|
-°C 