| കമ്യൂണിസം തകര്ത്ത ത്രിപുരയില് തളിരിടുന്ന ജീവിതം-2 |
|
ഭാരതീപുരം ശശി ഹോട്ടല് മുറിയിലെ വിശ്രമത്തിനുശേഷം വൈകിട്ട് ഞങ്ങള് ഇന്ത്യ-ബംഗ്ലാദേശ് അതിര്ത്തി ചെക്കുപോസ്റ്റ് സന്ദര്ശിക്കുകയുണ്ടായി. ഹോട്ടലില് നിന്നും നാലു കിലോമീറ്റര്മാത്രം അകലെ ബംഗ്ലാദേശാണ്. എല്ലാദിവസവും വൈകിട്ട് ഇരുരാജ്യങ്ങളും അവരവരുടെ കൊടി ഇറക്കി പരസ്പരം അഭിവാദ്യം ചെയ്യുന്ന ചടങ്ങ് ഏറെ ഹൃദ്യമായി തോന്നി. ഏതൊരു മനുഷ്യനും തന്റെ മാതൃരാജ്യത്തോടു തോന്നുന്ന അദമ്യമായ ഒരാവേശത്തിരയിളക്കം അനുഭവപ്പെട്ടു. ഇന്ത്യന് സൈനികരുമായി സംസാരിക്കുന്നതിനും അവസരം ലഭിച്ചു. അവര് എത്ര സ്നേഹത്തോടുകൂടിയാണ് ഞങ്ങളോട് സംസാരിച്ചത്. തഞ്ചാവൂര്, തിരുവനന്തപുരം എന്നിവിടങ്ങളില് നിന്നുള്ള ജവാന്മാരെ കണ്ടു. പ്രതികൂല കാലാവസ്ഥയിലും ജന്മനാടിന്റെ അതിര്ത്തി കാക്കുന്നവര്. ഒരു തോടിന്റെ ഇപ്പുറം ഭാരതവും, അപ്പുറം ബംഗ്ലാദേശും. പാകിസ്ഥാന് അതിര്ത്തികളില് കാണുന്ന കലുഷമായ ഒരന്തരീക്ഷമല്ല, നമുക്കവിടെ കാണാന് കഴിയുന്നതെന്ന് എടുത്തു പറയേണ്ടിയിരിക്കുന്നു.
ചിലവ തുടങ്ങിക്കഴിഞ്ഞു. ത്രിപുര വ്യവസായ വികസന കോര്പ്പറേഷന് ചെയര്മാനുമായും ബോര്ഡ് ചര്ച്ച നടത്തി. ത്രിപുര സംസ്ഥാനത്ത് ഉല്പാദിപ്പിക്കുന്ന 25,588 മെട്രിക് ടണ് റബ്ബറില് എട്ടു ശതമാനം പ്രാദേശിക ഉപഭോഗത്തിന് മാറ്റിവെച്ചശേഷം, ബാക്കി വരുന്നവയെല്ലാം സംസ്ഥാനത്തിന് പുറത്തേക്കയക്കുകയാണ്.നവംബര് 15-ാം തീയതി ഞായറാഴ്ചയാണ് ചെയര്മാനും ബോര്ഡ് അംഗങ്ങളും ത്രിപുര ബ്ലോക്ക് പ്ലാന്റേഷന് പ്രോജക്ടുകള് സന്ദര്ശിക്കാനായി പോയത്. അഗര്ത്തലയില് നിന്ന് 50 കിലോമീറ്ററോളം അകലെയുള്ള ശാന്താറാം പാറ ബ്ലോക്ക് പ്ലാന്റേഷനാണ് ഞങ്ങള് സന്ദര്ശിച്ചത്.
ത്രിപുരയില് സാജന് പീറ്റര് സ്റ്റേറ്റ് ഗസ്റ്റാണ്. ഇത് മുഖ്യമന്ത്രിയുടെ പ്രത്യേക നിര്ദ്ദേശമാണ്. ബ്ലോക്ക് പ്ലാന്റേഷനുകളുടെ ആവിര്ഭാവത്തിന് മുന്പുള്ള ജുമൈയ്യാ ട്രൈബുകളുടെ ജീവിതരീതിയും പരിശോധിക്കേണ്ടതു തന്നെയാണ്. യാതൊരു ജീവിതമാര്ഗ്ഗവും ഇല്ലാതെ, വിറകുവെട്ടി വില്ക്കുന്ന ചില്ലറ ജോലികളുമായി ഇവര് പട്ടിണിയില് കഴിഞ്ഞിരുന്നവരാണ്. റബ്ബര് പ്ലാന്റേഷനുകളുടെ വിജയകരമായ ഉയര്ച്ചയോടുകൂടി ഇവരുടെ സാമ്പത്തിക സാംസ്കാരിക രീതികളിലും ഗണ്യമായ മാറ്റം സംഭവിച്ചിരിക്കുന്നു. ഇന്നത്തെ പരിതസ്ഥിതി പരിശോധിച്ചാല് ജുമൈയ്യകള് എല്ലാം തന്നെ മെച്ചപ്പെട്ട സാമ്പത്തിക നിലവാരത്തിലേക്ക് കുതിക്കുന്നതുകാണാം. റബ്ബര് കര്ഷകര്ക്ക് നേതൃത്വം നല്കുന്നത് റബ്ബര് ഉല്പാദക സഹകരണ സംഘങ്ങളാണ്. ഈ സഹകരണ സംഘങ്ങളെല്ലാം നല്ല രീതിയില് പ്രവര്ത്തിക്കുകയും ചെയ്യുന്നു.
അതുകൊണ്ടുതന്നെ കര്ഷകര്ക്ക് മെച്ചപ്പെട്ട വില ലഭിക്കുകയും ചെയ്യുന്നു.
ദാരിദ്ര്യത്തിന്റെയും പട്ടിണിയുടേയും ദൈന്യത ഇനി ഒരിക്കലും തിരിച്ചു വരാത്ത രീതിയില് ത്രിപുരയിലെ ആദിവാസികള് ഉറച്ച കാല്വയ്പ്പോടുകൂടി മുന്നോട്ട് കുതിക്കുകയാണ്. റബ്ബര് ബോര്ഡിനോട് അവര് വികാരപരമായ അടുപ്പം പുലര്ത്തുന്നു.ശാന്താറാംപാറയിലെ സ്വീകരണത്തിനിടയില് സംഘാടകനായി ഓടി നടന്ന അവിടുത്തെ ഒരു ഉദ്യോഗസ്ഥനെ ഞാന് ശ്രദ്ധിച്ചു. അയാളാണ് ഇംഗ്ലീഷിലുള്ള ഞങ്ങളുടെ പ്രസംഗങ്ങള് ബംഗ്ലാ ഭാഷയിലേക്ക് പരിഭാഷപ്പെടുത്തിയത്. ആ പരിഭാഷപ്പെടുത്തലിനിടയില് അയാളുടെ കൈ ശ്രദ്ധിക്കാനിടയായി. കയ്യ്മുട്ടിന് താഴെ തീരെ ശോഷിച്ചു കാണുന്നു. പ്ലാന്റേഷന്റെ പ്രാരംഭ കാലത്ത് തൊഴിലാളികള്ക്ക് ശമ്പളവുമായി വന്ന ബോര്ഡ് ഉദ്യോഗസ്ഥരെ തീവ്രവാദികള് ആക്രമിക്കുമായിരുന്നു. വെടിവെയ്പില് മൂന്ന് ഉദ്യോഗസ്ഥര് മരിച്ചു. ഒരാള് ബോധരഹിതനായി കിടന്നു. മരിച്ചുവെന്ന് കരുതി തീവ്രവാദികള് ഇയാളെ ഉപേക്ഷിച്ചു പോവുകയായിരുന്നു.
ഉപേക്ഷിക്കപ്പെട്ട ആളാണ് ഇന്ന് പരിഭാഷകനായി ഞങ്ങളുടെ മുന്നിലെത്തിയത്. ശാന്താറാം പാറ ബ്ലോക്ക് പ്ലാന്റേഷന് നോക്കി നടത്തുന്ന തദ്ദേശവാസിയായ ഇയാള് റബ്ബര് ബോര്ഡിലെ ഓഫീസറാണ്.തീവ്രവാദത്തിന് വേരോട്ടമുള്ള നാടാണ് ത്രിപുര. ഞങ്ങള് എത്തുന്നതിനടുത്ത ദിവസം ഒരു വീട്ടിലെ അംഗങ്ങളെ തീവ്രവാദികള് കൊലചെയ്തിരുന്നു. അവരെ അമര്ച്ച ചെയ്യാന് തോക്കിന് കുഴലിനോടൊപ്പം, ദീര്ഘവീക്ഷണവും പ്രായോഗികവും മനുഷ്യത്വപരവുമായ സമീപനവുമാണ് നമുക്ക് ആവശ്യം. ഇതിന് കേന്ദ്രസര്ക്കാരിനേയും ത്രിപുര ഗവണ്മെന്റിനേയും ഒപ്പം ജീവന് പണയപ്പെടുത്തി പ്രസ്തുത പദ്ധതികള് നടപ്പിലാക്കിക്കൊണ്ടിരിക്കുന്ന റബ്ബര് ബോര്ഡിലെ ജീവനക്കാരുടെ സേവനത്തേയും അഭിനന്ദിച്ചേ തീരൂ. തീവ്രവാദ നിര്മ്മാര്ജ്ജനത്തിന് ത്രിപുര മോഡല് മറ്റ് വടക്കുപടിഞ്ഞാറ് സംസ്ഥാനങ്ങള്ക്കും പ്രയോജനപ്പെടാം.
|
അവിടെ ആദിവാസികള്ക്ക് സ്വന്തം ഭൂമി, നാണ്യവിള കൃഷി | < മുന് പേജ് | അടുത്തത് > |
|---|
-°C 